|
Stranica 8 |
|
PARVI BARKARJUL
Kako su odovna bile svakojake prilike Boje od ricih dokazuju slike. Tako ona jedna na kojoj se vidi Bili kajić na dvo vesla. Barba Cile vozi a na karmu sedidu Dvo turista starijih gostih A to je dokaz i onima koji ne viruju Pok ako ko sumnja neka pojde U Đorđotovo maranguniju, na zidu na sliki Još u vrime kad ni još u For Veslo zamini motor! I teško zamislit debota U ovo naše vrime Kad barkarjulih sad ima cila –flota On i žena mu Matija nisu imali dice Ma ni poja ni bokun zemlje Kajić im je bi jedino i sve! Kako drugima dite. A brod ni imo jorbul i jidro Od armiža konop i sidro. Na Fabriku bi kajić vezo A noću kad bi zalampalo i zagarmilo On i Matija bi ustali, Svetega Mikulu molitvom zazivali Jedon uz drugega kišom i morem zaliveni Cekoli svanuće kako mortvi uskrsnuće. O kako je to dovno bilo pok i zaboravilo Pok eto sad kad je od barkarjulih cila flota Bila bi nepravda i meni žol Da se zaboravi Kako je pokojni barba Cile bi Parvi barkarjol! JUFRA |
