|
Stranica 6 |
|
Njihov drogi sin baš je provi muškardin. Vlosi su mu pituroni, naježeni i namušćoni. Na njemu je sve po modi, čini sve ča mu godi: iz kafića u kafić kako provi fićfirić. Kad je ura za spat, on hoće frajat. Za njega je bravura živit bez lavura i sve tako finche dura non paura.
Finche dura non paura! Lako je tako kad sve ploćo šjor Makako. Ma, somo spat, somo frajat, fumat i lokat, a ne lavurat – za sve je kriva njegova mat!
Baš je muškardin naš drogi sin! Gušt je vidit njegove vlosi piturone, naježene, namušćone – govori njegova mat, a jo radi tega ne mogu spat.
|
|
On je fin gospodin, muškardin a meni je sve tanji moj takujin. Kad vidin njegove vlosi piturone, naježene i namušćone, naježi mi se cili život i kapelin i bagulin. Muka me agvanto, glova mi se zamanto i vartin se sad ovako, sad onako, parin provi šjor Makako. Naš drogi sin za nju je muškardin, a za mene berekin!
Ni naš sin berekin, nego provi gospodin – moja žena bruntulo i jazikon bruštulo. Ti nisi gospodin vartin se sad ovako, sad onako, parin provi šjor Makako. Naš drogi sin za nju je muškardin, a za mene berekin!
Ni naš sin berekin, nego provi gospodin – moja žena bruntulo i jazikon bruštulo. Ti nisi gospodin ni muškardin! Pogledaj svoj bidni kapelin i još gori bagulin.
Pogledaj svoju jaketu i svoje gaće, uvik te peren, a uvik si na maće.
|